Home | Wensverhalen | Ik wol nog wa geerne… noar miene dochter in Didam

Wensambulance Oost Nederland Dochter In Didam (2)

Ik wol nog wa geerne… noar miene dochter in Didam

Geschreven door Marlies oet Buurse

Wensverhalen
Wensambulance Oost Nederland Dochter In Didam (3)

Wat zol ’t mooi weern wonneer hee kon zeen woar de dochter Marijke van mien breur Hennie rechtevoort wont.

Zee is verhuusd noar Didam moar mien breur kon der nich kommen duur zeekte. Ok nich doo zee noar ’n aander appartement was verhuusd.

Hee was zo zeek dat hee nich zittend in ’n auto der henveurd kon worden en moch der wat geburen dat der dan ingreppen kon worden met medicienen.

Wensambulance Oost Nederland Dochter In Didam (1)

En wat mooi dat der dan nen weanszeeknwaagn is, ieleu wet wa, ze bunt nog gel kluurd zoas ne gewone zeeknwaagn moar dan is der al ’t apperatuur oet-ehaalt.

De vriejwilligers met verpleegend warkvolk van dissen dag wann van Weanszeeknwaagn Oost-Nederlaand, stationeert in Hengel an de Krabbenbosweg, dee bezorgt de leu ’n dag van hun leamn, nich allenig vuur visites. Met 150 vriejwilligers van Weanszeeknwaagn Oost-Nederlaand veurt ze oe oavera hen.

Weansplanner Paulien hef de ofspraak der inzat noadat de nichtjes Emmy en Marijke harren belt. Miej was vrog um met te goan as femilie en dan zeg iej gen nee.

Wensambulance Oost Nederland Dochter In Didam (1)

Um 11.00 uur kwammen ze anveuren in nen Mercedes, chauffeur Charles (vuurmalig pelisie ageent) en Angelina (vuurmalig IC verpleegster). Ik bun vuurin goan zitten, achterin mien schoonzuster Anja en Angelina der noast, vuur ’t geval.

Oonderweg worden der ne camera in-eschakeld zodat mien breur met kon kieken woar wiej veurn moar iej zeet de auto’s dan nich ankommen, iej lingt namelijk aansum in de zeeknwaagn en kiekt biej wieze van oaver de acherbaanke. ’t Speegelt zich, ’t lik asof aj in Engelaand veurt.

Vanof Eibarge, langs ’t mooie kasteel in Grolle van Bommelweerld, dat nieje keender- en volwassenvermaak van Olivier B. Bommel en Tom Poes richting de autobaan, op noar Didam.

Mangs heb ik is achterum kekken en is ’n moal vrog of zee met konnen kommen, ik kreeg gelieke antwoord wierumme, goddaank konnen ze metkommen.

Noa ne kleane 3 kwarteer kwammen wiej biej ’t appartement an. Gelukkig was der ne lift woar de brancard in kon, zee wont namelijk 3 hoog.

Wensambulance Oost Nederland Dochter In Didam (4)

Wiej hebt eerst is ’t mooie oonderkommen bekekken en lekkere koffie had en nen gevulden kookn van ’n bakker getten.

Der worden ne langspölplaat oet ’t rek haalt en wiej hebt luustert noar de greatest hits van Long Tall Ernie & the Shakers, ’t verreud dan wa de leaftied van mien breur.

Oonder ’t meddagetten van belegde breudjes wann wiej an ’t luusteren noar de meziek van ’n geheimen zender Piraat FM 94.3 alias verzetradio.

“Zee hebt met name mien breur nen onvergettelikn dag bezorgd”

Wensambulance Oost Nederland vader en dochter houden elkaars hand vast

Miln op ’n meddag pakken wiej ’t wier an, meu moar voldoan veuren wiej wier truw oaver de autobaan, langs ’t mooie kasteel van Bommelweerld op noar de geboortegroond.

Buurse in dit geval en noa zo’n betjen half Buurse te hebben zeen, worden der nen stop maakt biej Hennie van ’n Posten. Doarnoa bu’w wieter de greanse op an veurt richting Siberië, doar woar oons oaldershoes steet.

Noa ’n klean proätjen maakt te hebben met de wönners dee der rechtevoorts wont, bu’w wier op Eibarge an-eveurt. ’t Leep ok a teegn de klokke van 6 uur.

Wat fijn dat de vriejwilligers vuur dissen dag met wollen veuren. Zoonder har ’t ok nich könt. Zee hebt met name mien breur nen onvergettelikn dag bezorgd.

Nen dag um nooit te vergetten, Charles en Angelina, daankensweerd vuur alle hölp.

Kiekt moar is op de webstea oonder www.wensambulance.nl wat der ammoals meugelijk is.

Eanliks können zeen woar oew dochter wont.

Denk je nu aan iemand die ook graag familie wil bezoeken?

Neem gerust contact met ons op via 074 2051818. Onze wensplanners denken graag met je mee.

Je kunt ook met ons overleggen of een wens aanvragen via onderstaande knoppen.

 

Weans anvroagenEerst eam oaverleggen